موضوع: ارجو من كل بنت الدخول الثلاثاء فبراير 05, 2008 2:00 am
--------------------------------------------------------------------------------
السلام عليكم ورحمة الله وبركاته
وعليكم السلام ورحمه الله وبركاته
ارجو من كل بنت ان تجاوب على هده الاسئلة
من عنيا ياقمر
1-من أنتي؟
انا وحده من الناس مسلمه اسكندرنيه مصريه افريقيه ارضيه تابعه لمجره درب التبانه
واهلاويه صميمه
2-ماهو منصبك؟
انا امه الله
3-أين تقيمين؟
امام الكمبيوتر فى بيتنا فى اسكندريه فى مصر ........
4-متى آخر مره ضحكتي من قلب؟ ولماذا؟
اخر مره كانت امبارح قبل ماانام كنت قاعده على النت وبعدين وانا بتكلم لقيت شاشه سوده واتعكننت بعد فشل جميع المحاولات
رحت دخلت انام وافتكرت انى مسجله لبنت جارتنا حوديتها على الموبايل قعدت اسمعها وفطست من الضحك
مسيرى فى يوم حرفعها واحطهلكم البنت دى عندها 7 سنين وكل القصه وحده عماله تتوه وتتجوز وجوزها تموت تتجوز غيره ومنتهى الهبل
5-متى آخر مرة بكيتي؟ ولماذا؟
من شويه لما نور اديتنى لينك الفيس بوك بتاع الناس اللى بيهجموا الاسلام
علشان زعلت وعلشان حاسه اننا مقصره جدا
6-هل أحساستي بيوم من الايام بأنك طفله ضعيفه؟ ولماذا؟
يووووووه طول النهار
انا اصلا بتعامل زى ماكنت طفله من اول مااصحى اتفرج على كارتون والحاجه الحلوه واعتمادى على ماما وكل ده عمرى ماحسيت ان انا مسؤله
ضعيفهه كتير اوى اوى بس بحاول اتماسك
7-من الشخص الذي تتمنين ان تحملي عنه الحزن لترينه فرح؟
ماما وبابا واخواتىو اصحابى كلهم سؤاء ن ت او بره بموت لو حد مضايق
8-اذا كنتي متضايقه ماهو أول شئ تفكرين فيه ؟
بدعى ربنا يخفف عنى او بكتب فى ورقه او برسم
9-من الشخص الذي تحبين ان تكلميه اذا احسستي بالضيق؟
ربنا محدش بيخفف عنى غيره
10-من الذي يرسم البسمه على شفتيك؟
اى موقف عفوى بيضحكنى ولما اكون مع اصحابى
11-ماهي أجمل ذكره في قلبك ولايمكن نسيانها؟
كتيراوى اوى
بس بحب افتكر مطروح اوى وزكرياتى بتاعه الطفوله
12-ماهو برنامجك...
-اليوم
امم حد نت لحد مااتقفش الصبح وبعدين اصحى واغلس على اخواتى وماما وبعدين
اخش اعمل فوتو شوبواتفرج على الماتش وبعدين نت لحد بليل وفى النص حتصل بصحبتى
-غدا
تقريبا نفس الحوار بس برنامجى ان شاء الله احتمال يتغير الاسبوع الجاى
-مستقبلا؟؟
حكون اشتغلت فى حته وعملت حاجه تحسسنى ان ان عايشه وان ليا فايده
13-ماهو أكثر شئ تخافين منه؟
بخاف من ربنا وبخاف من الالم
14-هل تجيدين عمل المطبخ؟
دى لعبتى اصلا كل انواع البيض بعملها بيض بالبلوبيف بالسدق بالبسطرمه مقلى او مسلوق وبعرف اعمل اندومى
ست بيت شاطره
15-كم ساعه تجلسين على النت؟
من متوسط 10 ساعات وانتى طالعه
16-من هو اقرب شخص الى قلبك؟
3 على النت و3 اصحابى فى العادى واخواتى الاتنين وماما
17-ماذا تعني لك هذه الكلمات؟
-الحب... شعور نبيل جدا وخصوصا لما يبقى حب ربنا
وماما وبابا واخوات واصحابى
الحب ده بيخلى كل حاجه جميله وحلوه عطاء وتضحيه ومقابلها شعور بالراحه والفرحه
-الوفاء....
كلمه ليها معنى جميل واحساس رائع انك تلاقى حد وفى وعنده اتماء ليكى
وان كان نادر اليومين دول
-الخيانه.....
كلمه بشعه وشعور مرير وانا جربتها من اصدقائى ويارب ماحد يحس بيها
كأنك انكسرتى
-الكذب....
عاده سيئه وفعل مكروه اكتر حاجه ممكن تعصبنى بتدى فقدان ثقه
-الفراق....
ده نار شعور وحش جدا وجربته لما سبت مدرستى وبيتنا واصحابى ورحنا العجمى
الصديق...
عمله نادره وكنز وهبه من عند الله والحمد لله ربنا ادانى فى النت وبره اصدقاء انا بحبهم
وبحمد ربنا انه رزقنى بيهم يارب يخليهم ليا
18-ماهو المنتدى بالنسبه لك؟
المنتدى ساحه للحوار وتبادل الافكار والمواضيع ووجهات النظر ومكان للتعرف على بنوتات زى العسل
19-هل انتي فعلا مرتاحه في المنتدى ومرتاحه من الاعضاء والمشرفات؟
مرتاحه جدا جدا جدا من اول الالوان للشكل للاستايل للعضوات كل حاجه
بجد ماشاء الله ربنا يبارك لكم فيه كفايه انى اتكلم برحتى من غير خوف
20-عضوه أو مشرفه تستحق الصداقه؟
كلهم معرفش غيركم اصلا وكلكم ماشاء الله عليكم
21-عضوه أو مشرفه شفتيها و عضوه ودك تشوفينها ؟
كلهم معرفش غيركم اصلا وكلكم ماشاء الله عليكم
22-عضوه أو مشرفه شخصيتها مثل شخصيتك؟
كلهم معرفش غيركم اصلا وكلكم ماشاء الله عليكم
23-عضو ه أو مشرفهكلهم معرفش غيركم اصلا وكلكم ماشاء الله عليكم تعجبك شخصيتها؟
بصى طبعا معرفش غير حبه البنوتات القمرات دول فنقى منهم
24-ماهي امنيتك؟
ان ربنا يرضى عنى وانى اعمل حاجه مفيده تخدم بلدى وانى اكون احسن فى شخصيتى وكل حاجه
25-ماهي هوايتك؟؟
الرسم والن ت والخواطر المبتذله والقراءه
وبعدين ايه ياانوش الفراغ اللى انتى عايشه فيه ده
ماصدقتى كل دى اسئله
عقابا ليكى عايزينك تحليهم انتى كمان
الإثنين فبراير 04, 2008 7:00 pm
هههههههههههههه
و السبب انى افتكرت حد كده 
بحس كده كتير
و النادى الاهلى 
ماليش فى المطبخ اوى 
