هدية ماما من منتدى بنات وبس

بسم الله الرحمن الرحيم

السلام عليكم ورحمة الله وبركاته

عيد الام

طبعا نحن نعتقد وبلا شك فى كون عيد الام هو بدعه
وانه عيد غير شرعى ولكن .. مع ذلك فالله عز وجل اوصانا على الام كثيرا

بغض النظر عن يوم محدد او وقت معين

ويجب على كل منا تقديم الهدايا والكلمات الطيبه والحنونه للامهات فى كل الأوقات وليس فقط فى ما يسمونه عيد الام

فالام اغلى من ان يكون لها يوم واحد فقط يتذكرها فيه ابنائها
وانما يجب فعل ذلك فى كل الايام والاوقات

ولذلك ومن هنا منتدى بنات وبس

نحث كل البنات والسيدات المتزوجات ان يقدموا لامهاتهن الهدايا ولو كانت رمزيه جدا

وسترون بانفسكم الفرق على وجه امكم المنير

سترون البهجه والسعاده والفخر بانها انجبتكن

صدقونى يا حبيباتى عضوات بنات وبس

صدقونى ..لو احدكن بينها وبين والدتها مشكلة ولو على خلاف صغير او كبير انسى كل شىء فامك هى التى قامت بتربيتك وهى التى اتتك الى الحياه وتحملك من اجل ذلك الكثير من الصعاب ولولا ستر الله لكانت ماتت وهى تلدك

فكونى رحيمة بها

وهيا الان يا حبيباتى فستصبحن امهات فى يوم من الايام

وكما تعاملين والدتك سيعاملك ابنائك المستقبليين باذن الله

فكونى رؤفة ورحيمة بها

اولا ..لان الله امرك بذلك

ثانيا ..لانك تحبيها حبا فطريا

ثالثا ..لانها تعبت كثيرا من اجلك

والان يا حبيباتى

مع اجمل الهديا التى يمكن ان تقدميها لوالدتك فى كل ايام السنه

المجموعة الاولي
لو معاكِ مبلغ بسيط

شوفي يا ستي المجموعة الأولى من الهدايا اللي معانا النهادرة هتلاقيها مناسة ليكِ جدا خاصة لو كان معاكِ مبلغ بسيط ومش عارفة تجيبي بيه إيه؟؟..
نشوف مع بعض الهدايا
مج
هدية ماما من منتدى بنات وبس Kamar_01

ممكن إنك تجيبي مج من أي محل من محلات الهدايا... وعلى فكرة الأيام دي فيه محلات بتنزل مجات مكتوب عليها عبارات تهنئة بمناسبة عيد الأم.. أو بيكون مكتوب على المج حرف من الحروف الأبجدية فممكن إنك تختاري المج اللي بيكون مكتوب عليه أول حرف من اسم مامتك...

ألبوم صور
هدية ماما من منتدى بنات وبس Kamar_02

ممكن إنك تجيبي لمامتك ألبوم صور وتعملي لها مفاجأة إنك تجمعي في الألبوم ده صور كل الناس اللي مامتك بتحبهم أو تجمعي فيه كل صور والدتك.. أعتقد إن هدية زي دي هتكون مفاجأة حلوة قوي ليها...

إيشارب من صنع إيدك
هدية ماما من منتدى بنات وبس Kamar_44

وممكن كمان إنك تجيبي قماش سادة بنفس مقاس الإيشارب وتعملي فيه تطريز بالخرز ... أعتقد دي هتكون مفاجأة جميلة جدا لمامتك خاصة إنها هتحس إنك عملتِ ليها حاجة مميزة جدا من صنع إيدك.. لو كنتِ مش بتعرفي تعملي تطريز ممكن إنك تجيبي إيشارب منقوش جاهز وخدي بالك إنك تختاري النقوش اللي والدتك بتحبها..

كارت معايدة بيعمل موسيقى
هدية ماما من منتدى بنات وبس Kamar_26

كارت شيك يكون مكتوب عليه عبارة تهنئة بمناسبة عيد الأم أو يكون بيعمل موسيقى لأغنيات عيد الأم الجميلة.. واوعي تنسي تكتبي عليه أي كلمة حلوة لمامتك بمناسبة عيد الأم وليكن حتى كلمة "كل سنة وإنتِ طيبة يا ست الحبايب"..

علبة مجوهرات
هدية ماما من منتدى بنات وبس Kamar_27

علبة مجوهرات وعلى فكرة فيه علب خشب شيك جدا وبيكون تمنها على حسب حجمها وفيه منها اللي بيعمل موسيقى لما تفتحيها..

محفظة جلد شيك وبسيطة
هدية ماما من منتدى بنات وبس Kamar_28

ممكن إنك تجيبي ليها محفظة جلد صغيرة تحط فيها الأوراق الخاصة بيها أو الفلوس وعلى فكرة المحفظة دي مافيش أم بتقدر إنها تستغني عنها لأن حجمها الصغير بيساعدها على حطها في الشنطة... أو ممكن إنها تستغني عن الشنطة وتمسك المحفظة دي وعلي فكرة المحفظة دي فيه منها ألوان كتير قوي زي "الإسود والبني والهافان والنبيتي"..

مجموعة شموع عطرية
هدية ماما من منتدى بنات وبس Kamar_29

دي حاجة بسيطة برضه ممكن إنك تجيبيها لوالدتك وهي مجموعة من الشموع العطرية اللي بتدي رائحة في منتهي الجمال ويا سلام بقة وإنتم قاعدين بتحتفلوا بعيد الأم تطفي كل أنوار البيت وتشغلي الشموع.. ده هيدي منظر في منتهى الرومانسية.

مبخرة روشة
هدية ماما من منتدى بنات وبس Kamar_08

ده شكل جديد للمبخرة نازل مخصوص علشان عيد ست الكل. وعلى فكرة الشكل ده يمكن استغلاله كقطعة ديكور للبيت تحطها على التليفزيون أو على ترابيزة الأنتريه ويبقى إنتِ كده جبتِ لماما هديتين بتمن هدية واحدة.

أباجورة
هدية ماما من منتدى بنات وبس Kamar_30

أباجورة ممكن إنك تجيبيها لمامتك علشان لما تحب تقري كتاب أو أي حاجة بالليل على ضوء هادي.

زجاجة برفان صغيرة
هدية ماما من منتدى بنات وبس Kamar_31

دي بقي هدية هايلة جدا خاصة لو كانت الزجاجة دي من نفس نوع البرفان اللي مامتك بتحبه... أو ممكن إنك تجربي وتجيبي ليها نوع جديد على ذوقك على سبيل التغيير.

عباية للصلاة
هدية ماما من منتدى بنات وبس Kamar_12

المجموعة التانية
لو معاكِ مبلغ كبير

دى شوية أفكار للهدية اللي ممكن إنك تجيبيها وإنتِ اختاري المناسب ليكِ
عباية للبيت
هدية ماما من منتدى بنات وبس Kamar_33

مهما كان والدتك عندها عبايات كتير فدي هتكون بالنسبة ليها أحسن عباية عندها لأنها هدية من أغلى الناس وكمان هتلاقيها مش بتلبس إلا العباية دي..

عباية للخروج
هدية ماما من منتدى بنات وبس Kamar_34

لو والدتك من الناس اللي بتلبس عبايات في الخروج ممكن إنك تجيبي ليها عباية تلبسها وهي خارجة.. أو ممكن تجيبي ليها جيبة أو بلوزة، ولو محتارة في مقاس مامتك ممكن إنك تجيبي قطعة قماش..

شنطة وحذاء شيك
هدية ماما من منتدى بنات وبس Kamar_35

ممكن تكون مامتك جابت طاقم جديد لكن لسه ماجبتش له الشنطة أو الحذاء المناسبين ليه، فدي طبعا هتكون فرصتك في إنك تجيبي ليها حاجة هي محتاجاها.. ولو مش معاكِ تمن الاتنين ممكن إنك تجيبي حاجة واحدة منهم.

ساعة يد قيمة
هدية ماما من منتدى بنات وبس Kamar_36

ممكن إنك تجيبي ساعة يد شيك إو إنك تجيبي أي حاجة دهب أو فضة أو أي قطعة إكسسوار وأكيد طبعا مافيش ست في الدنيا مش بتحب الدهب أو الإكسسوارات...

طقم شاي أو أي حاجة كهرباء
هدية ماما من منتدى بنات وبس Kamar_37

أكيد وإنتِ بتساعدي مامتك في البيت كسرتِ حاجات كتير.. صح؟ فإيه رأيك بقى لما تعوضيها شوية من الخسائر اللي إنتِ عملتيها بحجة إنك بتساعديها وتجيبي ليها السنة دي طقم شاي أو طقم معالق أو أطباق أو طقم كاسات كريستال أو أي حاجة لزوم البيت..
أو إنك تجيبي أي أجهزة كهربائية هتحسي إنها هتساعد مامتك وهتريحها في شغل البيت زي مثلا "مضرب كهرباء أو قلاية كهربائية"..

تليفزيون صغير
هدية ماما من منتدى بنات وبس Kamar_38

ممكن إنك تشتري ليها تليفزيون صغير تحطه في المطبخ، علشان تتفرج عليه وهي بتعمل الأكل أو ممكن تحطه في أوضة النوم وتتفرج عليه وهي على السرير خاصة في الشتاء..

نجفة كريستال
هدية ماما من منتدى بنات وبس Kamar_39

لو كانت مامتك من الناس اللي بتحب إنها تغير ديكور البيت من فترة لأخرى فدي هتكون مفاجأة هايلة جدا ليها..

شمعدان
هدية ماما من منتدى بنات وبس Kamar_40

الشمعدان ده هيفرّح مامتك جدا خاصة لو كانت مامتك من النوع الرومانسي اللي مش بيحب الإضاءة بالأنوار.

بس كده دي كانت المجموعة التانية من الهدايا..
بس إيه رأيك لما تعملي لماما مفاجأة

انتظرينى مع المفاجأه..

بسم الله الرحمن الرحيم

مفاجأة لست الكل
هدية ماما من منتدى بنات وبس Kamar_41

بعد ما عرفنا أفكار للهدايا اللي ممكن إنك تجيبيها لست الكل
إيه رأيك لما تعملي كمان مفاجأة ليها مع الهدية...

والمفاجأة هي عبارة عن تورتة من صنع إيدك

ويا سلام كمان لو كتبتِ على التورتة دي أي كلمة حلوة تكون طالعة من قلبك لماما في يوم عيد الأم...
نشوف مع بعض الطريقة..
بصي يا ستي.. في الأول هتعملي كيكة إسفنجية عادية.. دي المقادير والطريقة بتاعتها:
المقادير:
• 5 بيضات.
• 2/1 1كوب سكر ناعم.
• 2/1 1كوب سمن.
• 3 كوب دقيق.
• 1 معلقة صغيرة فانيليا.
• 1 معلقة صغيرة بيكنج بودر.
• 2 كوب كاكاو.
الطريقة
هاتي البيض واكسريه في إناء عميق وضيفي إليه السكر والفانيليا واضربيهم مع بعض "بالمضرب الكربائهي" لمدة ربع ساعة أو لغاية ما تلاقي الخليط ده بقى عامل زي الكريمة...

بعد كده هاتي الدقيق والبيكنج بودر وضيفيهم لبعض ولو عايزة تعملي كيكة بالشيكولاتة ممكن إنك تضيفي إليهم "الكاكاو"...
ضيفي الدقيق والبيكنج باودر بالتدريج إلى البيض والسكر وقلبيهم مع بعض كويس باستخدام معلقة خشب بس خدي بالك إن التقليب يكون بالراحة.
بعد كده هاتي صينية أو "قالب كيك" وادهني القاع والجوانب بشوية سمنة ورشي رشة صغيرة من الدقيق علشان الكيكة ماتلزقش منك في الصينية وبعد كده صبي خليط الكيكة فيها....
شغلي الفرن لمدة 5 دقائق وبعد كده دخلي صينية الكيكة الفرن وخلي درجة الحرارة متوسطة وسيبيها لمدة 40 دقيقة أو لغاية ما تلاقي وشها أحمر....
ولو عايزة تتأكدي من إن الكيكة استوت من جوه يبقى ممكن إنك تجيبي سكينة نضيفة وتحطيها في وسط الكيكة، لو خرجت السكينة نضيفة زي ما هي يبقى كده الكيكة استوت من جوه، لكن لو خرجت وفيها أي حاجة يبقى الكيكة ماستوتش..
بعد ما تستوي الكيكة خرجيها من الفرن وسيبيها شوية لغاية ما تبرد علشان تقدري إنك تنقليها في صينية تانية مستديرة وخدي بالك وإنتِ بتنقليها إنك تحطيها على وشها بحيث تبقى الناحية اللي تحت فوق واللي فوق تحت.
طريقة تزيين وحشو تورتة الكريمة
هدية ماما من منتدى بنات وبس Kamar_42

المقادير:
• زيدة.
• لبن.
• مربى.
• علبة كمبوت أناناس.
• علبة بودرة كريم شانتيه.
• جوزة الهند مبشورة.
• تشكيلة مكسرات مفرومة "لوز وبندق وجوز وفستق"
• كريز.
• قمع لتزويق التورتة.
الطريقة:
طلعي الزبدة من التلاجة وسيبيها لمدة نصف ساعة علشان لما تيجي تستعمليها تلاقيها سايحة شوية...
هاتي طبق عميق وحطي فيه اللبن البارد وبعد كده ضيفي إليه علبة بودرة "الكريم شانتيه" واضربيهم مع بعض كويس بالمضرب الكهربائي، لمدة عشر دقائق وبعد كده حطي الكريم شانتيه في الفريزر...
هاتي الكيكة وقسميها باستخدام سكينة الحلويات إلى طبقتين، وخدي الطبقة الأولى وحطيها على صينية تانية ورشي عليها ماء الكمبوت..
وعلى سطح النصف التاني من الكيكة هتفردي طبقة من الزبدة
وبعد كده طبقة مربى "أي نوع مربى عندك" بعد كده ضمي الجزأين على بعض.
هاتي الكريم شانتيه وغطي الكيكة كلها بيه باستخدام ضهر المعلقة... وهاتي القمع وحطي فيه كريم شانتيه وزوقي الأطراف، وعلى فكرة ممكن إنك تحطي على الجوانب جوز الهند والمكسرات المفرومة اللي عندك.
بعد كده هاتي أي نوع فاكهة عندك "فراولة أو تفاح" وقطعيهم إلى شرائح أو قطع الأناناس اللي موجودة عندك والكريز وزوقي سطح التورتة بالشكل اللي إنتِ بتحبيه، بعد كده حطيها في التلاجة لمدة نص ساعة.. وبالهنا والشفا.

طريقة تزيين وحشو تورتة الشيكولاتة
هدية ماما من منتدى بنات وبس Kamar_43

المقادير:
• 200 جرام شيكولاتة خام.
• نصف كيلو لبن حليب دسم.
• فنجان صغير مية سخنة.
• 2 معلقة فانيليا.
• تشكيلة مكسرات مفرومة "لوز وبندق وجوز وفستق"
الطريقة :
هاتي الكيكة وقسميها إلى نصفين، بعد كده هاتي حلة صغيرة وحطي فيها الشيكولاتة وحطي الحلة الصغيرة في حلة أكبر منها فيها مية مغلية وسيبيها على النار لمدة 5 دقائق أو لغاية ما تلاقي الشيكولاتة ساحت داخل الحلة.. بعد كده تضيفي إليها اللبن وسييبها على نار هادية لمدة خمس دقائق كمان مع التقليب المستمر.

بعد انتهاء الخمس دقائق شيليها من على النار وضيفي إليها فنجان المية السخنة والفانيليا، بعد كده زوقي التورتة من الداخل والخارج بالشيكولاتة وممكن إنك تضيفي إليها شوية مكسرات مفرومة، وبالهنا والشفا

وان شاء الله كل الامهات هايبقوا سعداء مننا جميعا

لننول رضى الله وجنته العظمه

ميرسى يا احلى نانا على التوبيك الجميل ده

بس انا ممكن اقول لماما على الطريقه وهى ان شاء الله هتجربها

تسلم ايدك يا جميل